A proximidade das eleccións municipais ou a consecución de investimentos ao final do mandato levaron a dous concellos da comarca de Pontevedra a realizar unha liquidación do exercicio de 2018 na que se descubriu que incumpriran a Norma de Gasto aprobada polo Goberno central tras a crise de 2008 e coa que se impuxo un criterio de investimento e endebedamento aos concellos para racionalizar ao máximo os recursos económicos e a capacidade de débeda. Eses dous concellos son Cerdedo-Cotobade e Ponte Caldelas. No primeiro municipio foi a portavoz da oposición, a socialista Lina Garrido, a que denunciou a situación, anunciando que o Concello fusionado terá que aprobar un Plan de Axuste logo dun ano no que proliferaron os investimentos, aínda que, puntualiza Garrido, non co control suficiente como para cumprir a normativa sobre estabilidade orzamentaria, que se incumpriu por en 841.160 euros, o que fai necesario un Plan Económico e Financeiro a presentar no prazo dun mes, que se debe aplicar antes dun semestre.
A situación é parecida en Ponte Caldelas, aínda que salvando as distancias das cifras, pois o Concello fusionado ha pechado o exercicio cun orzamento executado duns nove millóns, mentres que o do Verdugo liquidouno cunha achega de cerca do 23% das contas para obras e un saldo de 1,2 millóns. Os alcaldes dos dous concellos non parecen arrepentidos de incumprir a lei Montoro, senón que se mostraron satisfeitos.
Así, Jorge Cubela explicou respecto diso que "entendo que a oposición faga o seu traballo e critique isto, pero a Regra de Gasto foi creada para os tempos da crise e está obsoleta. Eu insto á Fegamp e ao Goberno a que derroguen esta norma", apuntou, para recordar que "ouque nos pasou foi que o Concello tiña fondos, tiña obras en que investilos e non deixou os cartos no banco". Cubela recordou que o caso de Cerdedo-Cotobade, aínda amparado pola chegada de axudas do Fondo para as Fusións, acaba de liquidar "un orzamento en 9 millóns, con 1,4 millóns de euros de remanente. O ano comezara cun presuposto de máis de catro millóns. Poucos ou ningún concello poden dicir que conseguiron un 40% máis de investimento", sinala e engade que o superávit deste ano é de 436.000 euros, "e non temos débeda".
En canto ao caso de Ponte Caldelas, Andrés Díaz achaca o incumprimento á oportunidade de realizar "obras como a da Praza de España e pavimentacións en tódalas parroquias do rural, que dispararon o importe das obras adxudicadas ata superar os 1,8 millóns de euros". O rexedor sinala que "Ponte Caldelas incumpre puntualmente a normativa en 939.913 euros, así como a regra de gasto en 174.375!, pero se mostra orgulloso "de tela incumprido porque significa que Ponte Caldelas foi quen de facer un esforzo investidor digno de encomio" e recorda que en 2019 espera a chegada de dous millóns de entidades cofinanciadoras desas obras.
