Os cribados realizados en Soutomaior dos últimos días, cando se atopaba nos niveis máis altos de incidencia de coronavirus, detectaron 4 casos positivos, segundo informaron fontes da área sanitaria Pontevedra-O Salnés.
Nese municipio, que chegou a estar co nivel máximo de restricións debido á incidencia de casos de covid, realizouse un cribado poboacional no peirao de Arcade, ao que acudiron 1.476 das persoas citadas (un 58,16 %).
Así mesmo, realizáronse probas en dous centros educativos, o CEIP Manuel Padín Truitero, nas que participaron 450 persoas, e o IES Soutomaior, con 560 persoas cribadas. En total, nos cribados detectáronse 4 casos, dous deles entre os participantes no peirao de Arcada, e outros dous nos centros educativos.
Segundo os últimos datos actualizados por Sanidade, Soutomaior (que baixou do nivel máximo ao nivel alto de restricións) ten unha incidencia acumulada a 7 días de entre 75 e 125 casos por cada 100.000 habitantes; e de entre 250 e 500 casos por 100.000 habitantes en incidencia a 14 días.
ÁREA DE VIGO
Por outra banda, a área sanitaria de Vigo tamén informou dos resultados das probas realizadas nos últimos días no IES Santa Irene, no IES Santo
No primeiro dos institutos, participaron 571 persoas (un 74,6 % dos convocados) e non se detectou ningún positivo; no IES Santo Tomé cribouse
Por outra banda, no municipio da Guarda citouse a 2.000 persoas, pero acudiron menos da metade ao cribado, 970 (un 48,5 %). Nesas probas detectouse un caso positivo.
O Sergas avanzo que o vindeiro luns haberá cribado no IES Álvaro Cunqueiro de Vigo, onde se convocou a 680 persoas; o martes faranse probas no IES Alexandre Bóveda, tamén na cidade olívica, con 810 persoas convocadas.
Sanidade recordou que, ademais do test en centros educativos, continúase cos cribados poboacionais na área e estes días están a facerse probas en municipios do Val Miñor, onde se prevé citar a unhas 6.000 persoas, que deberán acudir a facerse unha PCR nos Covid Auto dos hospitais da área.