A Policía Local de Poio localizou nun control a un condutor co permiso retirado desde 2013 que, ao observar a presencia dos axentes, se deu á fuga.
Ocorreu este venres nun control na zona de San Xoán. A patrulla logrou alcanzalo e foi sometido a probas de alcol e drogas, dando positivo en haxís. Tamén se lle interviu unha arma branca.
Por todo isto, tramitouse unha infracción penal por conducir cunha perda de vixencia do permiso e unha infracción administrativa por presencia de drogas no organismo, con sanción de 1.000 euros e a retirada de 6 puntos. Tamén se propuxo para sanción por posuír unha arma branca na vía pública.