A Garda Civil detivo un home de 39 anos, veciño de Vigo, ao que se lle interviñeron 1.500 dose de cocaína durante un control en Vilaboa. Segundo informou o instituto armado, a detención produciuse o pasado mércores á unha da tarde no punto quilométrico 2.7 da estrada N-554, entre Vilaboa e Rande.
Os axentes, ao proceder ao rexistro do Audi A-4 que pararan, comprobaron que o condutor se atopaba nun evidente estado de excitación e negábase a colaborar nos requirimentos que se lle facían. Aos poucos a actitude desta persoa volveuse máis violenta e intentou darse á fuga cando un dos axentes detectou que escondera un envoltorio entre a súa roupa interior.
Tras ser detido e esposado, a Garda Civil achou entre a súa roupa dúas bolsas de plástico que contiñan a droga. O home, xunto coa droga incautada, foi posto a disposición do xulgado de instrución número 1 de Cangas, que decretou o seu liberdade provisional con cargos por un delito contra a saúde pública por tráfico de estupefacientes.