Unha edificación a pé da PO-308 en Chancelas foi obxecto dunha operación desenvolvida este venres pola mañá por efectivos da Garda Civil pertencentes á compañía de Pontevedra. A procura enmarcábase no que a Benemérita cualificou como unha operación de baixo rango que parecía centrada en desmantelar un punto de provisión, venda ou distribución de estupefacientes a pequena escala.
De feito, a única evidencia de que se estaba desenvolvendo unha actuación policial foi o rexistro que se realizou desde media mañá e no que participaron media ducia de axentes que escudriñaron o interior das instalacións ata pasadas as 14.00 horas. Fontes da Benemérita indicaron que, polo momento hai unha persoa detida en relación con esta operación e que seguen as investigacións.
O dispositivo mantense aberto, aínda que o venres se descartou practicar máis rexistros en busca de estupefacientes. A presenza de varios Patrol da Garda Civil así como o vehículo do investigado no punto do rexistro chamou a atención dos condutores e veciños que se desprazaban polo lugar onte pola manaña.
As instalacións inspeccionadas atópanse nun inmoble no que houbo un restaurante, cuxos escaparates e cristaleiras permanecen tapados por cortinas e teas.