Francisco Martín, promotor da Rede de Pobos Máxicos de España, visitou Combarro o pasado xoves para ver en primeira persoa unha das localidades candidatas a entrar a formar parte do selecto grupo que conforman a asociación.
O director do Instituto de Desenvolvemento Local e Estudos Sociais destacou o bo trato dos veciños da localidade pontevedresa así como o encanto que reúne o lugar.
En Galicia, só son catro os pobos que aspiran a entrar na rede dos 75 da terna este ano. Ademais de Combarro, tamén pugnarán por un posto na lista Cambados, Betanzos (na Coruña) e Ribadavia (en Ourense).
