A compañía galega de distribución alimentaria Vegalsa-Eroski contará, tras a apertura do novo supermercado de Barro, 64 establecementos, dos cales 43 son Eroski City e 21 Aliprox.
O supermercado, inaugurado o mércores, supuxo un investimento de 339.000 euros e pon a disposición dos clientes unha superficie de sala de vendas de 406 metros cadrados na que se comercializarán máis de 6.000 referencias de marcas líderes, marcas propias e produtores locais, contando ademais cun obrador de panadería, servizo a domicilio e parking.
Con esta nova apertura, a rede comercial de franquías de Vegalsa-Eroski amplía unha rede de franquías que xa suman 21.208 metros cadrados de superficie comercial, representan un total de 41 pemes e que xeran máis de 800 empregos indirectos. Na provincia de Pontevedra súmanse 18 establecementos, dos cales 14 están agrupados baixo a insignia Eroski City e catro son Aliprox.
"Queremos ser a franquía de referencia do sector da distribución alimentaria co obxectivo de converternos na tenda preferida polos consumidores", asegurou o director de Expansión e Franquías do grupo, Pedro Suárez, no acto de apertura.
O establecemento de Barro contará cun persoal de seis persoas, que atenderán ao público de 9.00 a 14.30 horas e de 16.30 a 21.00 horas.
