O camareiro dun bar de Poio resultou ferido este xoves ao declararse un incendio na cociña. O home foi trasladado ao Hospital QuirónSalud Miguel Domínguez de Pontevedra.
O lume, ao parecer, orixinouse nunha freidora do coñecido establecemento, o bar Onaha, situado no Complexo Deportivo Miguel Anxo Pazos, na parroquia de San Xoán.
Ata o lugar do suceso desprazáronse a Policía Local, os Bombeiros de Sanxenxo, Protección Civil e o 061.