Un veciño da localidade de Campelo, en Poio, foi hospitalizado este martes tras sufrir feridas e traumatismos de diversa gravidade, como consecuencia dun atropelo rexistrado na rúa Padre Avelino.
Segundo explicaron fontes da Policía Local de Poio, a vítima, de 55 anos de idade, dispúñase a cruzar o viario cando foi golpeado simultaneamente por dous turismos, que circulaban en ambos os sentidos.
O condutor dun dos turismos implicados ten 78 anos. De momento, as causas do sinistro non transcenderon. En todo caso, fontes policiais explicaron que as probas de alcol practicada aos implicados deron negativo