Aínda que o proceso de desescalada da crise sanitaria sexa rápido, aos integrantes da Asociación de Amigos do Requeixou non lles dará tempo a readaptar a súa festa ao formato de verbenas que xurdirá das necesidades de seguridade sanitaria actuais.
Deste xeito, o colectivo que todos os anos organiza a verbena de San Antón e Santa Bárbara anunciou este venres que non se celebrará a edición deste ano da festa, que tivese lugar no terceiro fin de semana do mes de xuño.
Aínda que non se trata dunha festa organizada polo Concello, a degustación do queixo fresco tradicional que aínda se elabora en Corredoira é a máis antiga das súas convocatorias culinarias e unha das máis emblemáticas, posto que na comarca de Pontevedra ningún outro concello conta con produción tradicional de queixo, ou de produtos lácteos.
A comisión encargada da organización empraza aos fieis a este evento á convocatoria de 2021 na que, se se resolve a situación sanitaria, será posible recuperar a diversión perdida.
