Miércoles. 14.11.2018 |
El tiempo
Miércoles. 14.11.2018
El tiempo

A Garda Civil auxilia unha peregrina que sufriu unha caída en Barro

Momento no que a peregrina é auxiliada en Barro. GARDA CIVIL
Momento no que a peregrina é auxiliada en Barro. GARDA CIVIL

A muller, veciña de Murcia de 66 anos, queixábase dunha forte dor nunha perna e chegou a perder a consciencia

A Garda Civil auxiliou este martes unha peregrina que sufriu unha caída fortuíta cando realizaba a pé o Camiño de Santiago.

Cando unha patrulla do Destacamento de Tráfico da Garda Civil de Pontevedra circulaba á altura da parroquia de San Amaro, en Barro, observaron a varias persoas que estaban a auxiliar a unha peregrina que se atopaba tirada no chan.

Ao apearse do vehículo para prestar axuda comprobaron que esta persoa, unha muller de 66 anos, veciña de Murcia, queixábase dunha forte dor nunha perna, á vez que sufría unha perda de consciencia.

Logo de colocar adecuadamente á vítima nunha situación de seguridade, reiterouse o envío urxente dunha ambulancia e foi trasladada inmediatamente ao Hospital de Montecelo, para ser atendida dunha posible fractura na perna que sufriu a consecuencia dunha caída accidental.

Este tipo de intervencións, levadas a cabo por distintas unidades da Garda Civil, intégranse no marco da denominada Operación Xacobeo, que é un dispositivo especial para garantir a seguridade nesta ruta de peregrinación.

A Garda Civil auxilia unha peregrina que sufriu unha caída en Barro
Comentarios