Catorce persoas, seis delas menores de idade, foron rescatadas pola Garda Civil tras extraviarse mentres practicaban sendeirismo pola ruta do río Verdugo, no municipio pontevedrés de Ponte Caldelas.
Todos eles eran membros de tres familias diferentes de Pontevedra, con dous menores cada unha, que segundo a Garda Civil "coincidiron casualmente".
O operativo de rescate activouse ás 18.45 horas deste sábado despois de que un dos excursionistas chamase ao teléfono 062 da Garda Civil.
Para localizalas foi necesario percorrer a pé uns cinco quilómetros por ambas as marxes do río, salvando as dificultades do terreo, a climatoloxía adversa e a escuridade da noite.
Foron localizados dúas horas logo da chamada en perfecto estado, a pesar dalgunha caída leve que sufriran.
Algún dos senderistas estaba moi asustado e os nenos, que tiveron que ser evacuados da zona realizando unha cadea humana, estaban especialmente nerviosos.
