A Policía Autonómica incautou 17'6 quilos de ameixa en Poio, que estaban a ser extraídos de forma furtiva na zona de Campelo e Combarro e que foron devoltos ao mar.
Nun dispositivo de vixilancia, en colaboración con gardas rurais da confraría de San Telmo, os axentes observaron a dous homes que estaba a extraer bivalvos e que ao detectar a presenza policial, déronse á fuga e esconderon un saco que contiña ameixa.
Os axentes incautaron o saco e devolveron os bivalvos ao mar. A extracción estaba a producirse de forma ilegal, ao carecer de permiso ou autorización e as ameixas estaban destinadas ao consumo humano, o que supón un risco para a saúde das persoas.
A persoa investigada, indica a Xunta, acumula varios expedientes sancionadores por infraccións da Lei de Pesca de Galicia, con máis de 120 actos e máis de 1.300 quilos de ameixa.