Un camioneiro de 56 anos foi interceptado pola Garda Civil conducindo pola N-550 á altura de Bértola, en Vilaboa, cunha taxa de alcoholemia que cuadriplicaba a máxima permitida para condutores profesionais.
O home foi obrigado a deter o seu camión nun control que estaba a realizar o instituto armado no quilómetro 127 da N-550. Ao dar o alto ao camión, os axentes comprobaron que o seu condutor, natural de Vigo, presentaba síntomas evidentes de conducir baixo os efectos do alcol.
O camioneiro deu positivo nas dúas probas de alcoholemia realizadas, e rexistrou nunha delas a taxa de 0,66 miligramos por litro de aire expirado, catro veces máis do límite de 0,15 mg/l permitida.
O camión, que circulaba cun cargamento de produtos conxelados con destino ao Porriño, tivo que ser inmobilizado ata que se fixo cargo do mesmo o responsable da empresa.
O seu condutor foi denunciado por unha infracción moi grave ao regulamento xeral de circulación e enfróntase a unha sanción económica de 1.000 euros e á retirada de 6 puntos do permiso de condución.