A Policía Autonómica interceptou a dous furtivos habituais na zona de Campelo e Combarro-Poio cando extraeran 25,6 quilos de ameixa, que foi devolta ao mar.
Segundo informa Vicepresidencia, a unidade policial instruíu dilixencias "ao tratarse de dous furtivos habituais que extraen o bivalvo en diferentes puntos da ría sen permiso ou autorización legal co obxectivo de destinalo ao consumo humano directo, sen garantir nin a salubridade nin a trazabilidade alimentaria dos produtos".
Nos últimos sete días, os axentes recuperaron máis de 100 quilos de ameixa extraídos de forma irregular durante o desenvolvemento dos dispositivos de loita contra o furtivismo na ría de Pontevedra.