Un veciño de Vilaboa denunciou a subtracción nunha leira particular próxima á súa vivenda dunha cría de cabalo recentemente nada que se atopaba coa egua aínda en pleno período de lactación. Os feitos sucederon o pasado 11 de maio.
O Equipo de Investigación da Compañía da Garda Civil de Pontevedra e o Equipo do Seprona da Garda Civil de Cangas averiguaron que dúas persoas acudiran a unha fábrica de pensos de Pontevedra para comprar leite de egua, o que levou á identificación dos mesmos, así como dun terceiro, relacionado con eles, cada un cun domicilio diferente, en Vilaboa, Marín e Pontevedra, e os tres relacionadas co mundo dos cabalos.
A investigación realizada levou aos axentes a presentarse o pasado xoves, 14 de maio, no domicilio dun dos investigados, en Vilaboa. Posteriormente pescudaron o domicilio doutra das investigadas en Salcedo, resultando esta a irmá dun dos autores con domicilio en Vilaboa.
En Salcedo localízase ao animal, que se atopaba oculto no soto da vivenda dedicado a cuadra, ao cal alimentaban con biberón.
A preocupación principal era que o animal non estivese ben alimentado ao ser recentemente nado e falecese, ou que fose empregado para consumo humano, xa que a un dos investigados con domicilio en Marín figuráballe unha infracción por malos tratos animais.
A poldra xa foi devolta en bo estado aos seus propietarios.
