Unha persoa atópase investigada por unha neglixencia nunha queima de restos forestais que provocou un incendio de 0,25 hectáreas de superficie arboreda no municipio pontevedrés de Campo Lameiro.
Segundo informa a Policía Autonómica, o incendio forestal tivo lugar o pasado luns na parroquia de Couso. Na investigación e inspección ocular do incendio contouse coa colaboración activa de axentes ambientais da brigada de investigación de incendios forestais.
No que vai de ano, a Policía Autonómica leva investigadas a un total de 13 persoas como presuntas autoras de incendios forestais en Galicia.
