Fontes veciñais afirman que, polo menos, producíronse cinco casos de paperas na comunidade escolar dos cales, polo menos dous, afectarían a nenos de Educación Primaria. Ademais, rexistráronse contagios a adultos, que, aínda que son menos frecuentes, poden ser fonte de complicacións maiores.
En canto á incidencia en Galicia, segundo recolle o Sergas, o período comprendido entre o 13 de outubro e o 3 de novembro era o de maior risco relativo, en relación ao mesmo período de anos anteriores. Nesas catro semanas rexistráronse un total de 123 casos en Galicia, o que supón unha incidencia de 4,6 (número de casos por cada 100.000 habitantes).
A tendencia seguiu na seguinte semana. Por grupos de idade, rexistráronse máis casos entre os cidadáns de 15 a 19 anos (34) e os de 20 a 24 (32 casos). Aínda que o incremento foi uniforme, houbo maior incidencia nas áreas sanitarias de Vigo e Santiago.
