Unha moza de ao redor de 20 anos de idade faleceu a última hora da tarde do luns nun accidente de tráfico rexistrado no termo municipal de Barro, na provincia de Pontevedra, mentres que outras dúas persoas resultaron feridas.
A vítima mortal faleceu no lugar do accidente, ao que foron trasladadas dúas ambulancias asistenciais, unha ambulancia medicalizada do 061 e persoal sanitario do Punto de Atención Continuada de Pontevedra, pero non puideron facer nada pola súa vida.
Ademais, foron trasladadas outras dúas persoas, un home de 41 anos de idade que responde as iniciais M.L.V., ao Hospital Domínguez-Quirón, e outra persoa ao Hospital Montecelo de Pontevedra.
A alerta do sinistro foi recibida ás 21.40 horas do luns na Central de Coordinación do 061 Urxencias Sanitarias de Galicia por un accidente de tráfico orixinado por unha colisión fronto-lateral.
