Unha muller faleceu o xoves pola mañá ás 9.16 horas como consecuencia do choque entre unha motobomba municipal e o turismo NO que viaxaba, que tivo lugar en Carballedo, en Cerdedo-Cotobade.
O sinistro produciuse nas inmediacións da piscifactoría, aproximadamente no quilómetro 12 da PO-233, cando a motobomba municipal se desprazaba arranxar danos ocasionados pola choiva da noite anterior.
Segundo as primeiras hipóteses da Garda Civil o turismo incorporouse desde un viario lateral, ao parecer, sen realizar a pertinente parada do stop sinalizado no punto, polo que o choque impactou de cheo co lateral do mesmo.
Como consecuencia, a muller que ocupaba o asento traseiro do turismo faleceu no acto. Trátase dunha octoxenaria, veciña de San Xurxo de Sacos que viaxaba co seu marido e a súa filla, quen ocupaban os dous asentos dianteiros.
O alcalde, Jorge Cubela, lamentou este falecemento e aclarou que o condutor tamén está ferido pero non se teme pola súa vida. Á súa vez, o condutor da motobomba, resultou ileso.
A subdelegada do Goberno, Maica Larriba, explicou este xoves no transcurso dunha comparecencia na que se analizaban datos de sinistralidade de tráfico na provincia que as primeiras dilixencias da Garda Civil incluíran a práctica das pertinentes probas de alcoholemia e consumo de sustancias ao condutor da motobomba, que deu negativo en todo.
