Un motorista de 29 anos faleceu na mañá deste domingo en Cerdedo-Cotobade ao impactar contra un poste logo de sufrir unha saída de vía, segundo informou a Garda Civil de Pontevedra.
O sinistro tivo lugar ás 10.15 horas deste domingo no quilómetro 65 da estrada N-541 en dirección Ourense á altura da gasolineira do municipio de Cerdedo-Cotobade.
O falecido é un home de 29 anos veciño da localidade pontevedresa de Marín.