Case unha trintena de humanos prestáronse onte para substituír ás vacas da parroquia de Filgueira, en Cerdedo-Cotobade, na XIII edición do ‘Concurso de tirar dun carro de vacas'.
O evento popular consiste en levar mediante tracción humana un dos carros tradicionais por un espazo duns 120 metros no que hai unha costa final con curva e unha gran pendente. Aínda que se rexistrou un lixeiro descenso de participación nesta edición, o público disposto a animar aos participantes foi máis que en edicións anteriores, segundo a organización. En total, sumáronse á competición nove parellas para a categoría masculina, outras tres para a feminina e cinco dos participantes fixérono no apartado de individual.
►LEA A CRÓNICA DA COMPETICIÓN NA EDICIÓN IMPRESA DE DIARIO DE PONTEVEDRA DESTE DOMINGO