Piden colaboración cidadá para localizar a un ladrón de plantas en Combarro

A Policía Local de Poio investiga un furto de plantas na rotonda de Combarro, en Poio. Xa son varias fins de semana consecutivas nas que faltan plantas, segundo o servizo de xardinería do Concello, que estima nunhas 20 as que desapareceron.

Trátase de plantas pequenas de tempada que o Concello emprega para mellorar a contorna e conservar en bo estado un dos lugares máis céntricos da parroquia de Combarro. 

Xa non é a primeira vez que sucede isto nos diferentes lugares do Concello, a última vez en Campelo, hai un mes aproximadamente, e con anterioridade en San Xoán. A Policía estuda a posibilidade de instalar cámaras de vixilancia, para localizar os posibles autores. Tamén pide colaboración dos veciños e ofrece un número de telefóno (689575495) e un email para informar sobre calquera pista ([email protected]).