Os fortes ventos foron os principais protagonistas entre os efectos da borrasca Hortense na comarca. De todos os concellos da contorna de Pontevedra, o máis afectado volveu ser Poio, onde, no paseo de Lourido voou a cuberta do edificio do restaurante Xantares Galegos. Trátase dun edificio de varias plantas con fachada ao paseo do que saíron despedidas os ferros protectores.
[Unha árbore caída en Ponte Caldelas. EP]
A Policía de Poio e Bombeiros do Salnés, da base de Ribadumia, encargáronse este venres pola mañá de asegurar a zona.
Hortense deixa máis 133 incidencias na provincia de Pontevedra
No resto da comarca destacaron os anegamientos nas redes pluviais e rede de sumidoiros, e a caída de árbores, ramas e postes xeneralizada, aínda que que non chegou a ocasionar grandes desfeitas. En Vilaboa, algunhas marquesiñas de autobús amenceron sen os cristais e no Concello
[Unha marquesiña rota en Vilaboa. DP]
INCIDENCIAS NO PORRIÑO E REDONDELA. A borrasca tamén causou un accidente no Porriño tras a caída de varias árbores na A-55 e o levantamento da cuberta dun edificio de Redondela, que impactou no tellado do concello, onde creou un buraco.
En declaracións a Europa Press, o concelleiro de Medio de Redondela, Roberto Villar, precisou que os fortes refachos de vento rexistrados nas últimas horas provocaron o levantamento da cuberta dun inmoble anexo ao edificio consistorial que golpeou o tellado deste último, o que xerou un buraco de varios "metros cadrados".
Do mesmo xeito, apuntou que efectivos dos servizos municipais desprazáronse a unha vivenda de Camiño da Bruxa, en Chapela, en cuxas inmediacións se produciu a caída dunha árbore. Como consecuencia, víronse afectados o muro, o soportal, un beirado do tellado e o cableado telefónico do inmoble, así como dous vehículos. Dado que a compañía aseguradora comunicou que non prestaría asistencia ata pasadas 72 horas, efectivos municipais retiraron os restos da árbore.
Adicionalmente, detectouse a caída dunha árbore na rúa Cubilló, en Chapela, que foi preciso retirar dado que obstaculizou o paso na vía, así como o desprazamento de colectores e letreiros en distintos puntos do termo municipal. O edil sinalou que o temporal tamén afectou a subministración eléctrico nas parroquias de Redondela.
Por outra banda, a borrasca Hortensia produciu a caída de varias árbores sobre a A-55, á altura do Porriño, o que causou unha colisión en cadea de varios vehículos na madrugada deste venres que non deixou feridos.
Así, tras ser requirida polo 112 Galicia, a agrupación de voluntarios de Protección Civil retirou as árbores, caídos no punto kilómetrico 22, en sentido Tui, na recta do polígono das Gándaras.
Ademais, o servizo de Protección Civil recolleu árbores caídas nas zonas de Filgueira-Mosende e Casal do Vello-Torneiros e a estrada PO- 331, que discorre entre O Porriño e Gondomar. Tamén retirou un poste telefónico desprendido en Torneiros e chapas dun galpón en Chenlo, ademais de achicar balsas de auga en varios puntos do centro urbano do Porriño e o polígono da Granxa.
MÁS DUN CENTO DE INCIDENCIAS EN VIGO. Mentres, o alcalde de Vigo, Abel Caballero, explicou que entre as 22.00 horas deste xoves e as 8.00 horas deste venres os bombeiros e a Policía Local atenderon 114 incidencias debido á borrasca.
En concreto, indicou que o temporal afectou a 34 árbores, dúas fiestras de vivendas situadas en edificios, un arco da iluminación do Nadal, un poste e un muro e causou a inestabilidade dunha estada de obra, que requiriu da actuación de efectivos municipais.
Paralelamente, a borrasca desprazou 32 colectores e provocou a caída de catro chapas e ferros e cinco valos, así como a dunha persoa que se atopaba nun caixeiro. O rexedor tamén sinalou que tres zonas da cidade quedaron temporalmente sen subministración eléctrica a causa do temporal.
Así mesmo, no campus universitario alcanzáronse refachos de vento de 77 quilómetros por hora, que nas Illas Cíes ascenderon a 105 e, nas inmediacións do Porto de Vigo, a 91.
