A praia de Lourido será o escenario onde se dará comezo á novena edición do Tríatlon Concello de Poio, que se celebrará o vindeiro sábado a partir das 15.30 horas. Preto de dous centenares e medio de persoas tomarán a saída dispostos a superar os 25 quilómetros de proba inmersos nas modalidades de nado, bicicleta e carreira a pé desta cada vez máis popular proba deportiva.
Ademais poderá participar nesta proba deportiva calquera persoa que desexe facelo independentemente de se está federada ou se pertence a algún club en concreto. Incluso, todos aqueles atletas federados de categorías infantís e cadetes poderán estar presentes no evento sen custo algún. Unha gran experiencia que poderán gozar competidores de todas as idades.
O percorrido a nado desenvolverase na praia de Lourido. Unha vez, os participantes suban á bicicleta percorrerán a zona de saída ata a rotonda situada na AP-9. Para acabar regresarán á praia para afrontar os quilómetros finais a pé.
Todos queren lograr un gran resultado aquí e estar preto dos seus axudaralles a esforzarse un pouco
Ás 15.30 horas producirase a saída da proba popular, na que os deportistas deberán superar ao redor de 300 metros a nado , oito quilómetros en bicicleta e dous e medio de carreira a pé. O resto categorías disputarán en total dúas voltas cinco quilómetros a pé.
Posteriormente será a quenda para todos aqueles que disputarán a competición sen corte, é dicir, para aqueles que compitan a partir da categoría Sub-23 en diante e que o fan sen tempo límite. Producirase a partir das 16.30 cun percorrido superior á modalidade anterior. Afrontarán ao redor de 750 metros a nado, 20 quilómetros en bicicleta e os últimos cinco correndo.
Unha vez finalizadas ambas as categorías, ás 17.50 horas tomarán a saída todas as participantes da modalidade feminina. A diferenza das categorías anteriores, as atletas xogaranse o pase ao próximo Campionato Galego. A distancia será a mesma que na modalidade sen corte sen ningún tipo de variación.
Os deportistas deberán superar ao redor de 300 metros a nado , oito quilómetros en bicicleta e dous e medio de carreira a pé
Dez minutos máis tarde darase a saída para a elite masculino, que do mesmo xeito que as súas compañeiras loitarán por clasificarse para o próximo Galego. En total serán 18 os deportistas que obteñan o pase ao Autonómico. No entanto, os participantes disporán dun límite de tempo para superar cada unha das modalidades. En caso de non facelo as súas marcas non serán tidas en conta ao finalizar o tríatlon.
Os vencedores das categorías elites recibirán unha bonificación económica e un recordo da cita deportiva. Ademais, como é habitual en cada edición, entregarase un premio ao mellor participante local.
Para o Club Ciclista Tríatlon Poio esta é a proba máis esperada do ano, posto que todos os seus representantes compiten en casa cun punto de motivación extra. "Este é un dos eventos que organiza o club con máis expectación para nós. Todos queren lograr un gran resultado aquí e estar preto dos seus axudaralles a esforzarse un pouco máis", expresou Carlos Sánchez, presidente da entidade.
