O municipio de Ponte Caldelas suma unha nova superficie de venda de produtos de alimentación situado en A Reigosa. A compañía Gadisa inaugurou o que suma o seu décimo punto de venda franquiciado en 2019.
O novo establecemento conta cunha sala de 100 metros cadrados que pon a disposición dos clientes máis de 1000 produtos seleccionados para satisfacer as necesidades básicas baixo o concepto "rápido, cómodo e económico". Ademais, as instalacións contan cun servizo de lavado de coches, aspiradores, cafetería e unha ampla zona de aparcadoiro. O horario da estación de servizo é de 7.00 a 23.00 horas os 365 días do ano.
Así, a liña de negocio Claudio xa suma 185 establecementos, dos que 69 operan como Claudio Express, sendo este un deles.
Os tres propietarios, Antonio Rei, Javier Gómez e Santiago Batalla participaron na inauguración do centro, así como o director de Vendas de Liña Maior de Gadisa, Miguel Freire, o coordinador de Franquía, José Antonio Hermida e o responsable de montaxes de franquía, Fernando Seijo, acompañado polo seu equipo. A esta apertura súmanse as nove realizadas neste ano: un establecemento urbano na Coruña, e sete Claudio Express en estacións de servizo situadas en Arzúa, Ponteceso, Barro, Mos, Redondela, Lugo, Camponaraya e Oza-Cesures.
Gadisa conta con 222 Gadis, 12 Cash Ifa e 185 establecementos franquiciados Claudio situados en Galicia e Castela e León e é líder de distribución no Noroeste Peninsular.
