O Concello de Ponte Caldelas habilitou esta semana un total de dez prazas de aparcadoiro para motocicletas no Paseo da Calzada.
Trátase de espazos específicos de estacionamento que foron creados en tres zonas diferenciadas e que están perfectamente delimitadas das prazas de aparcadoiro para turismos. Para evitar calquera confusión entre unhas e outras, o Concello empregou pintura verde e o selo de motocicletas e rotulouse en branco de modo que a primeira ollada enténdese que son prazas para motos.
Trátase da terceira intervención do Concello no espazo da calzada e o seu paseo nas últimas semanas, logo de habilitar unha zona de parada para autocaravanas, así como de repintar todo o acceso, de modo que se crearon 40 prazas de aparcadoiro para turismos na entrada do mesmo. Ademais, completouse o arranxo dos danos dos temporais de inverno na pasarela de madeira e nos farois do paseo.
