jueves. 15.04.2021 |
El tiempo
jueves. 15.04.2021
El tiempo

Preto de 30 empresas foron asesoradas por Reimpulsa Poio

Os integrantes de Reimpulsa Poio fixeron balance do programa. DP
Os integrantes de Reimpulsa Poio fixeron balance do programa. DP
Promoción económica aposta por dar continuidade no futuro a este proxecto

Preto de 30 profesionais e responsables de diferentes empresas e negocios tomaron parte ao longo dos últimos meses no programa Reimpulsa Poio. Esta iniciativa, desenvolvida a través do departamento de Promoción Económica, deu continuidade a outros proxectos similares, que xa contaron cun éxito moi similar no pasado, e que, nesta ocasión, incidía na importancia de dar un pulo ao potencial deste tecido a nivel local, sobre todo tendo en conta as dificultades provocadas pola pandemia.

O concelleiro responsable desta área, o socialista Gregorio Agís, explica que "puxemos a disposición dos e das participantes un equipo de profesionais, para analizar fórmulas de recuperación da actividade e tamén para detectar novas oportunidades neste contexto". 

A través das diferentes reunións convocadas de xeito regular (presenciais mentres o permitiu a situación sanitaria e, posteriormente, telemática), traballáronse aspectos como a innovación en eidos como a comunicación ou o marketing, poñendo en valor o uso das redes sociais e as novas tecnoloxías. Neste sentido, ofrecéronse pautas para desenvolver promocións e vídeos ou campañas de merchandising.

Agís tamén salienta que outro dos aspectos nos que se fixo fincapé ao longo destes meses é na creación de alianzas e sinerxias de traballo. "O labor en equipo é fundamental para garantir a dinamización da actividade comercial e empresarial a nivel local, máxime despois das dificultades coas que se atopan os profesionais", dixo. O concelleiro afirmou que o programa é "xa un referente na Administración local" e confirmou que a intención do departamento é "darlle continuidade no futuro". 

Preto de 30 empresas foron asesoradas por Reimpulsa Poio
comentarios
ç