A Sala do Civil e Penal do Tribunal Superior de Xustiza de Galicia (TSXG) confirmou a condena de seis anos de cárcere que a Audiencia Provincial de Pontevedra impúxolle a unha interna no centro penal da Lama por intentar entregarlle droga ao seu compañeiro sentimental, tamén ingresado nesa prisión, durante unha comunicación intermodular.
O tribunal considera acreditado que a muller escondía na súa roupa interior hachís e cocaína destinada ao seu marido co obxectivo de que "saldase contas que tiña dentro da prisión", polo que descarta que fose "para consumo inmediato e exclusivo do destinatario".
Ademais, os xuíces destacan que a cantidade de droga intervida –104 gramos de hachís e 6,5 gramos de cocaína– é significante, polo que descartan atenuarlle a condena.
Aínda que en presenza do tribunal da Sección Segunda da Audiencia Provincial de Pontevedra a acusada decidiu acollerse ao seu dereito constitucional a non prestar declaración, na fase de Instrución, tras os feitos, deixara claro o ocorrido. A muller intentou introducir unha importante cantidade de resina de hachís (máis de 100 gramos) e algo máis de tres gramos de cocaína "porque lle estaban ameazando" no interior do centro. "Tiña que pagar unha débeda, e conseguín a droga cando estaba de permiso, fóra do cárcere".
Este testemuño, realizado con todas as garantías xurídicas, unha parte fundamental para enervar a presunción de inocencia, unido ao propio achado das sustancias e ao testemuño dos funcionarios da prisión que realizaron a incautación. Os feitos, agravados por ser cometido o delito por parte da investigada no interior dun centro penal, carrexan unha pena de seis anos de prisión e unha multa de algo máis de 1.000 euros. O ditame explica que sobre as 15.30 horas do 23 de xullo de 2018, a acusada, que estaba interna no centro, tiña programada unha comunicación intermodular co seu marido, interno no mesmo penal provincial do interior pontevedrés.
Con motivo do citado cara a cara "e antes de que tivese lugar", reza a sentenza, "procedeuse a realizar un cacheo á acusada por parte da funcionaria de prisións, comprobando que ocultaba no seu interior, e coa finalidade de entregarllo á súa parella, dez landras dunha sustancia que, tras ser analizada, resultou ser resina de hachíscun peso total de 104,2 gramos e un valor de 593,94 euros, así como dous envoltorios que contiñan 3,5 gramos de cocaína".
