A coherencia da proposta, a identidade da firma e unha visión de marca que equilibra deseño e proxección comercial foron os principais motivos polos que o xurado de Allianz Ego Confidence in Fashion
Competía con outras 15 marcas. Este galardón é o
O discurso de Rubearth encaixa perfectamente na preocupación xeneralizada polo medio ambiente que demostraron os participantes nesta edición de Allianz Ego, que, segundo se puido ver e manifestaron na súa maioría, aspiran a non malgastar nin téxtiles nin recursos.
Cunha dotación económica de 6.000 euros, o premio que recibirá Rubearth permitiralle crear unha nova colección para presentala na próxima edición de Allianz Ego e gozar de asesoramento profesional durante seis meses para desenvolver a súa marca, segundo informou a propia pasarela.
Gabriel Nogueiras (Caracas, Venezuela, 1988) é o deseñador que está detrás de Rubearth. Fincado en Poio, pasou polo Máster de Deseño e Moda de Pontevedra (Esdemga). O xurado que o premiou estaba conformado pola deseñadora María Escoté; a directora da Mercedes-Benz Fashion Week Madrid, Nuria de Miguel; o comisario de Allianz Ego, Andrés Aberasturi, e a directora da área de moda da Escola Universitaria de Deseño, Innovación e Tecnoloxía (Esne), Maruca García Paredes.
Patricia Chamadoira e Candela Nóvoa participaron no desfile
Ademais de Rubearth, outras dúas exalumnas de Esdemga participaban nesta edición de Allianz Ego, neste caso no desfile, no que tamén se puido ver o traballo doutros seis deseñadores. Trátase de Patricia Chamadoira (coa súa marca Temporal) e Candela Nóvoa (Delanovoa).
Catalá fincada en Pontevedra, Patricia Chamadoria, na súa primeira colección unisex, Solsticio, dá unha segunda vida a mantelerias, sabas, colchas, cortinas ou mantas que atopa en faiados e anticuarios, segundo informa Efe. "A miña intención é que sexan pezas únicas e propiciar un consumo responsable". Con esta forma de coser, consegue que cada peza conte unha historia.
Tamén hai moito de supervivencia, enxeño e conciencia ambiental, no traballo da ourensá Candela Nóvoa, que presentou Cool people visit Benidorm, unha colección de estética sesenteira con estampados florais e de raias.
OUTRO GALEGO. "O gusto pola moda non desapareceu, pero o prêt-à-porter é historia", dixo o outro galego que desfilou onte en Allianz Ego, J.C.Doggio. Lidera a firma Goodption. Criado entre vestidos nupciais, propón deseños únicos cunha mirada sostible, que van moito máis alá da moda tradicional. Son pezas que se adaptan, compondo as diferentes tallas sen desperdiciar tecido, "creando engurras e cosendo pinzas exteriores que cinguen as teas ao corpo", explica.
Finalmente, o premio á mellor colección da pasarela de novos creadores (Mercedes-Benz Fashion Talent) recaeu en Anaïs Vauxcelles, á fronte da firma 404 Studio, coa súa proposta de pezas de punto. Ela é a artífice de moita da roupa que visten as protagonistas da última tempada da serie de televisión Élite ou de cantantes como Kylie Minogue ou Dua Lipa.