Case 8.000 persoas serán citadas polo Servizo Galego de Saúde (Sergas) para participar no cribado masivo que se realizará no municipio de Poio, onde a incidencia acumulada a 14 días supera os 2.000 casos por cada 100.000 habitantes.
Este cribado, que durará catro días e comezará este venres, pretende detectar o maior número posible de portadores asintomáticos da covid-19 para reducir a cifra de contagios.
En concreto, a estas probas prevese convocar a 7.863 persoas de 15 a 65 anos, o que supón o 70% da poboación censal do municipio.
O test faranse nunha zona habilitada na chaira da Seca e serán mediante mostras de saliva, segundo confirmou o Sergas, que aclara que só serán chamadas persoas que teñan o seu cartón sanitario nun dos tres centros de saúde do domicilio.
Non poderán participar neste cribado, polo tanto, os veciños de Poio que teñan o seu médico noutros municipios, o persoal de residencias sociosanitarias ou aquelas persoas que teñan unha PCR positiva nos últimos tres meses.
Un equipo de quince profesionais, coordinados por un médico, será o responsable deste cribado, cuxas mostras serán analizadas no servizo de Microbiología do Hospital Álvaro Cunqueiro de Vigo.
