Os sindicatos ACAIP, CC.OO. e ATP demandaron que se adopten "medidas activas urxentes" para salvagardar a seguridade do persoal penal do centro da Lama (Pontevedra), así como unha oferta de emprego público extraordinaria e un plan integral contra as agresións aos traballadores da prisión.
Nunha nota de prensa, os tres sindicatos aluden "escaseza de persoal e o envellecemento do persoal como posibles causas" dunha suposta "escalada de violencia" que, denuncian, que se produciu nos últimos días, con varios episodios violentos.
As centrais sindicais expoñen que na época estival, debido a vacacións de persoal, agrava a situación, o que provoca que haxa funcionarios que están a duplicar servizo en varios módulos do centro".
Ademais, sosteñen que "o protocolo contra as agresións en Institucións Penais é unha mera declaración de intencións e que non aborda os problemas estruturais que se xeran nos Centros Penais".
A todo isto súmase, segundo denuncian CC.OO., ACAIP e ATP, que algúns internos deberían "estar en psiquiátricos penais", que actualmente "só existen en Sevilla e Alacante".
Por todo iso, os tres sindicatos demandan "medidas activas urxentes, unha oferta de emprego público extraordinaria e un plan integral contra as agresións ao persoal penal digno que garanta a saúde laboral, así como solucións inmediatas".
