Un accidente enCombarro permitiu á Policía Local de Poio descubrir que un dos vehículos implicados tiña a ITV caducada.
O sinistro de tráfico produciuse o 8 de maio e só houbo que lamentar danos materiais tras golpear un dos vehículos ao outro.
Os axentes, tras investigar o accidente, descubriron que un dos coches tiña a ITV caducada. Carecía do selo da estación correspondente na documentación e, no cristal, levaba un adhesivo da ITV en vigor que resultou ser falsa.
O condutor foi denunciado como presunto autor dun delito leve de falsificación documental por uso de distintivo falso. "Concretamente por circular co adhesivo da inspección técnica favorable en suvehículo, cando a posuía caducada, o cal foi posto en coñecemento do xulgado de garda", explica a Policía Local de Poio.
