O pleno municipal de Soutomaior aprobou a proposta para a conversión do velorio municipal de Salgueirón en tanatorio. O Goberno local sostén que a mellora permitirá aforrar tempo en diversos trámites "nun momento no que o que menos queres é burocracia e problemas", indicou o tenente de alcalde, Ramón Fernández. A conversión non suporá custo algún para as arcas municipais, xa que os 30.000 euros necesarios para a adaptación serán asumidos pola empresa concesionaria.
A conversión implicará a creación dun novo espazo no velorio necesario para acoller as estancias nas que realizarán os traballos de tanatopraxia esixidos por Lei nos servizos funerarios. Do mesmo xeito, será necesario instalar un sistema completo de frío industrial que permitirá equipar a dotación con cámaras frigoríficas mortuorias, un elemento propio destas empresas e necesario de face a garantir os servizos de velorio.
Deste xeito, coa conversión do tanatorio xa non será necesario o traslado dos falecidos a outra localidade para cumprir cos trámites necesarios. A Corporación tamén aprobou o regulamento de funcionamento do tanatorio, actualizando así os termos do novo servizo municipal e da concesión que se fará cargo dos custos derivados da conversión.
FESTIVOS
O Pleno tamén aprobou os festivos locais para o próximo ano 2020, que serán
