O Concello de Soutomaior acaba de recibir a confirmación de que poderá contar coas axudas PIMA do Ministerio de Transición Ecolóxica para levar a cabo o seu proxecto de Ampliación do programa de Compostaxe Doméstica co que pretende dar un salto cualitativo mellorando a súa capacidade actual de atender a rede de compostaxe implantada no territorio municipal. Co plan de ampliación, o Goberno local pretende multiplicar a capacidade de reciclaxe de materia orgánica do municipio a través dun programa de préstamos de biotrituradoras a particulares e o aumento do número de composteiros distribuídos entre os veciños.
O plan de ampliación da compostaxe doméstica do Concello de Soutomaior contempla dúas vías para fomentar a reciclaxe de materia orgánica. A primeira vía é a creación dun plan de préstamos de biotrituradoras domésticas entre os veciños que xa dispoñan de composteiros para que poidan depositar neles toda a materia orgánica procedente dos restos de poda e do mantemento das súas leiras e árbores.
Normalmente, os composteiros domésticos non teñen o tamaño necesario para acoller grandes volumes, e, por outra banda, a descomposición de ramas e restos de poda máis leñosos pode retardar o proceso, ao ser elementos de maior grosor que o habitual. Nalgúns casos, os particulares tampouco dispoñen de espazo para apilar estes materiais, que en moitas ocasións acaban no colector xenérico cando non terían que ser trasladados a Sogama. Por iso é polo que o Goberno local considere que esta medida, xa implantada noutros concellos, como o veciño municipio de Vilaboa, será un importante paso adiante á hora de favorecer a reciclaxe de orgánicos.
"Isto supón un novo paso adiante para mellorar a capacidade de reciclaxe dos veciños", destacou o alcalde de Soutomaior, Agustín Reguera, que explicou que "poder incorporar todos eses restos vexetais ao ciclo de reciclaxe evitará un bo número de queimas e de deposiciones nos colectores, co que reducimos emisións e residuos".
O Concello procederá á adquisición das biotrituradoras e establecerá as condicións necesarias para crear o programa de préstamos, que se porá en marcha nos próximos meses para que todos os veciños poidan adherirse canto antes", indicou Reguera.
MÁS COMPOSTEIROS. A segunda vía é a dotación de 150 novos composteiros domésticos para incrementar o número de unidades existentes no municipio, que ascende a 250 na actualidade sen contar os instalados nos centros educativos e o composteiro comunitario situado en Arcade. "Durante estes anos fomos aumento cada ano o número de composteiros que entregamos. Só este ano levamos 75 e o noso obxectivo é chegar aos 500 o próximo ano", adiantou o alcalde.
Os interesados en solicitar un dos composteiros poderá facelo nas oficinas da Casa do Concello a través do rexistro municipal. Todas as unidades van acompañadas dun termómetro, unha guía de compostaxe e o asesoramento individual do mestre compostero municipal, a quen poderán recorrer os veciños en caso de incidencias.
As medidas súmanse a outras recentes como o repartición de composteros a todos os centros de ensino do municipio.
