Un terremoto afectou á provincia de Pontevedra na mañá deste xoves, segundo informou o Instituto Xeográfico Nacional (IGN).
O tremor de terra tivo lugar ás 10.15 horas no municipio de Mondariz. Dada a súa escasa magnitude –2,1–, o sismo apenas foi percibido por unha pequena parte dos veciños próximos á zona.
Este tipo de sucesos non son novos para Mondariz, onde son habituais os rexistros de actividades sísmicas. Unha das últimas tivo lugar en marzo deste mesmo ano, cando un tremor de 2,4 sacudiu unha zona próxima á desta ocasión.