Catro mulleres tiveron este xoves que ser trasladadas ao hospital Montecelo tras inhalar fume nun incendio que se produciu na súa casa de Poio. Segundo informa a Policía Local, a vivenda apenas sufriu danos, aínda que o deshumidificador no que se orixinou o lume quedou totalmente calcinado.
As vítimas son nai, filla e dúas irmás da proxenitora, de entre 50 e 70 anos. Ata o lugar desprazáronse tamén efectivos de Protección Civil e do 061, ademais dos axentes municipais. Encargáronse de ventilar a casa de tres plantas na que vive a familia.
As chamas orixináronse na segunda planta do inmoble, pero non se estenderon.
