O Goberno galego licitará este mes o equipamento da residencia de maiores de Cerdedo, en cuxa ampliación investiu máis de 2 millóns de euros. A conselleira de Política Social, Fabiola García, visitou este luns o centro, que duplicou o seu número de prazas, ao pasar de 18 ás 48 actuais.
O novo edificio no que se situará a residencia contará cunha maior amplitude ao distribuírse en 24 habitacións dobres con baños propios, así como cunha zona de administración, unha área de atención especializada e outra de servizos xerais como lavandería e mantemento.
Pola súa banda, as antigas instalacións destinaranse integramente a centro de día, no que se manterán as 30 prazas actuais con máis espazo.
