Un de cada dez casos de seguimento de strong <>violencia de xénero na provincia sitúase na cidade de Pontevedra. No mes de xullo, o Sistema de Seguimento Integral nos casos de Violencia de Xénero (VioGén) estaba activo para 1.097 vítimas na provincia, cen delas na Boa Vila. No mes de xuño esta cifra elevouse a 1.169 das que en 451 casos non se apreciaba risco e en 489 o risco era baixo. En contraposición, o mes pasado houbo dous casos de risco extremo, 27 de risco alto e 200 de risco medio na provincia.
Segundo o sistema VioGén, durante a pandemia reducíronse drasticamente as denuncias, mentres que as consultas ao teléfono 016 creceron de xeito exponencial. Desde a posta en marcha deste número de axuda -en setembro de 2007- á actualidade, efectuáronse 15.895 chamadas desde Pontevedra, 11.195 delas realizadas polas propias vítimas.
O grupo de idade no que se dan máis casos de violencia está entre os 40 e 45 anos, aínda que cada vez hai vítimas máis novas
Por outra banda, segundo os datos do Observatorio sobre Violencia de Xénero, de xaneiro a marzo de 2021 rexistráronse na provincia de Pontevedra 513 denuncias por malos tratos e activáronse 55 ordes de protección.
A maioría dos expedientes abertos en Pontevedra rexistran risco medio ou baixo. Por outra banda, tal e como destacou a subdelegada do Goberno en Pontevedra, Maica Larriba, o grupo onde hai maior porcentaxe tanto de vítimas como de agresores se atopa actualmente entre os 40 e 45 anos, aínda que se están dando casos de mozos que "roldan a maioría de idade". Da mesma xeito, cada vez son máis as mulleres de máis de 65 anos que presentan denuncia. "Non é mala noticia que aumenten as denuncias, iso significa que hai moitas mulleres que se animan a denunciar porque senten que están amparadas", manifestou a subdelegada do Goberno.
No marco do sistema VioGén dezaseis concellos da provincia xa asinaron un convenio coas forzas de seguridade do Estado para colaborar no seguimento e protección das vítimas. "Cada vez máis concellos solicitan formar parte deste sistema", subliñou a subdelegada.
"A violencia de xénero é unha cuestión que nos afecta a todos. Todos estamos obrigados a denunciar. A min dóeme moitísimo cando hai algún caso duro e logo escoitas aos veciños dicir cousas como se vía vir", destacou Larriba. "Temos que ser proactivos contra a violencia", dixo.
