Unha persoa resultou afectada este luns por inhalación de fume tras incendiarse unha campá extractora nunha vivenda no Porriño. Segundo os datos facilitados polo 112 Galicia, o servizo de urxencias recibiu sobre as 13.45 horas o aviso de que se vía saír fume negro pola fiestra da cociña dunha casa situada á altura do número 145 da rúa Antonio Palacios.
Foron mobilizados o 061, Bombeiros de Baixo Miño, Bombeiros de Vigo, Policía Local e voluntario de Protección Civil da zona.