Os traballadores dos hospitais privados da provincia de Pontevedra xa teñen novo convenio. As tres centrais sindicais presentes na mesa de negociación, CIG-Saúde, CC OO e UXT, asinaron coa patronal o novo convenio de hospitalización e internamento da provincia cunha subida salarial do 5% entre 2016 e 2020, e unha revisión segundo o valor do IPC para os dous últimos anos.
Segundo o novo convenio, informan os sindicatos nun comunicado, a xornada anual será de 1.170 horas de traballo máximo efectivo e ademais inclúe cambios de consideración progresiva dos días de libre disposición e melloras para os pais con fillos que precisen asistencia sanitaria.
As negociacións do próximo convenio, para evitar demoras, comezarán en outubro de 2019 e, en caso de non chegar a un acordo antes do 1 de xaneiro de 2020, estará garantida, ata a firma do novo convenio, unha subida salarial segundo a evolución do IPC.
