miércoles. 23.06.2021 |
El tiempo
miércoles. 23.06.2021
El tiempo

Baixan a 98 os casos activos en colexios da área de Pontevedra e a dúas as aulas pechadas

Aula de un colegio. EUROPA PRESS
Aula dun colexio. EUROPA PRESS
As infeccións están vinculadas a centros educativos da Boa Vila, Marín, A Illa de Arousa, Bueu, Cambados, Catoira, Cerdedo-Cotobade, Poio, Ponte Caldelas, Soutomaior, Vilagarcía e Vilanova

Os casos activos de covid-19 en centros educativos non universitarios e escolas infantís da área sanitaria de Pontevedra e O Salnés reducíronse este martes en 98, cinco menos que na anterior xornada lectiva,  vinculados a instalacións da Boa Vila, Marín, A Illa de Arousa, Bueu, Cambados, Catoira, Cerdedo-Cotobade, Poio, Ponte Caldelas, Soutomaior, Vilagarcía e Vilanova. O balance actualizado este martes polas consellerías de Educación e Sanidade reflexa que a área conta con nbsp;&dúas aulas pechadas polo coronavirus, fronte ás catro do anterior parte da Xunta, unha no CEIP de Seixo de Marín e outra na escola infantil Marín-O Seixo.

O CEIP de San Roque de Vilanova de Arousa segue como máis afectado pola pandemia con 17 contaxios (sen cambios), seguido do CPR Plurilingüe Sagrado Corazón de Jesús de Pontevedra e o CEIP San Tomé de Cambados (con seis positivos cada un). 

Centros educativos de Pontevedra

GALICIA. No conxunto da comunidade aumentaron a 617, que supoñen nove máis, mentres que as aulas pechadas reducíronse a 32, cinco menos, e xa non hai ningún centro clausurado debido á incidencia deste coronavirus, tras estar ata o fin da semana pasada pechada a escola infantil unitaria de Cerdedo por un positivo. 

Segundo o balance actualizado este martes polas consellerías de Educación e Sanidade, as infeccións activas en centros educativos redúcense nas áreas de Ourense (-5) e Pontevedra (-5); soben nas de Vigo (+10), Santiago (+4), Ferrol (+3), A Coruña (+2); mentres que se manteñen na de Lugo. 

á cabeza segue a área de Vigo, con 200 casos activos, que supoñen 10 máis que a última xornada, e mantén 15 aulas pechadas pola incidencia da covid-19, catro delas por oito contagios no IES San Paio de Tui; e outras dúas por nove positivos na Escola Infantil Santa Isabel da cidade olívica, onde outra escola infantil ten dúas clases clausuradas por seis infeccións activas. 

Séguelle a de A Coruña con 178 casos activos —dous máis— e oito aulas pechadas —unha máis—, delas tres clases clausuradas no CEIP Plurilingüe Isidro Parga Pondal de Oleiros por 27 positivos, que supoñen o maior número de entre todos os centros de Galicia. 

Pola súa banda, na área de Pontevedra baixan a 98 os contagios (cinco menos) e a dous as aulas pechadas (dúas menos). O CEIP de San Roque de Vilanova de Arousa segue como máis afectado con 17 contagios (sen cambios). 

Mentres, a área sanitaria de Santiago concentra 76 positivos en centros educativos (catro máis) e cinco clases pechadas (tres menos). O centro con máis positivos é o CPR Plurilingüe Jaime Balmes de Noia, con seis positivos e unha aula clausurada pola incidencia da covid-19. 

En canto á área de Ourense descenden a 28 os casos activos —cinco menos que a xornada anterior— distribuídos en 18 centros e convértese na única de Galicia sen aulas pechadas por este coronavirus, tras ter unha clase clausurada ao peche da semana pasada.

MENOS CASOS. Con menos casos de coronavirus en centros educativos de Galicia seguen as áreas de Lugo e Ferrol. A primeira mantén 27 contagios e unha aula pechada (sen cambios en ambos os casos). En canto á de Ferrol, sitúase á cola con 10 infeccións activas —tres máis— distribuídas en sete centros, e continúa cunha aula pechada, na Escola Infantil Virxe do Chamorro por dous positivos. 

Baixan a 98 os casos activos en colexios da área de Pontevedra e a...
comentarios
ç