A subida de casos de coronavirus faise notar na incidencia acumulada dos municipios. Este xoves son xa 14 concellos da provincia cunha taxa acumulada por cada 100.000 habitantes que supera os 500, cando este miécoles eran once.
Así, incorpóranse a esta lista A Cañiza (556), O Rosal (651) e Salvaterra do Miño (630), uníndose a Arbo, Caldas, Catoira, Crecente, Cuntis, Oia, Pontecesures, Tomiño, Tui, Valga e A Illa de Arousa.
A provincia mantén catro concellos cunha taxa superior ao milleiro. Son Oia (1.443), Pontecesures (1.539), Valga (1.201) e A Illa de Arousa, con 1.095 casos por cada cen mil habitantes.
Descenden tamén o número de municipios libres de novos casos de coronavirus. Se este mércores eran tres (Fornelos de Montes, A Lama e Mondariz-Balneario), este xoves quedan unicamente en dous ao detectarse contaxiados en Mondariz-Balneario
GALICIA. A incidencia acumulada do virus continúa subindo tamén nas sete principais cidades de Galicia. Santiago conta cos peores datos, xa que con 416 casos nos últimos catorce días, suma unha incidencia de 425.
Lugo, pola súa banda, conta cos mellores rexistros, cunha taxa de 119. Pontevedra tamén baixa do limiar dos 200 (194).
| CIDADE | CASOS NOS ÚLTIMOS 14 DÍAS | INCIDENCIA |
| Santiago | 416 | 425 |
| A Coruña | 942 | 380 |
| Ourense | 422 | 399 |
| Ferrol | 224 | 341 |
| Vigo | 749 | 252 |
| Pontevedra | 162 | 194 |
| Lugo | 118 | 119 |
