A choiva deixou ata o mediodía deste martes acumulados destacados en municipios con altitude menor de 900 metros todos eles da provincia de Pontevedra, con 61,5 litros por metro cadrado en strong<> Cuntis; 58 l/m2 en Poio; 57,6 en Cotobade; 49,8 en Forcarei e 44,2 en Fornelos de Montes.
Isto é debido á influencia da borrasca Varra situada sobre Irlanda, que mantén avisos activados en Galicia por strong<> forte vento, ondada e choivas.
Pola súa banda, en zonas altas de montaña as choivas deixaron máis de 33,7 litros por metro cadrado en strong<> Pedrafita do Cebreiro; 32,5 l/m2 en Muras; 20,6 en Rodeiro e 19 en Maceda (Ourense).
Ver máis: A borrasca Barra trae neve a 900 metros e pon a costa de Lugo en alerta laranxa
VENTO. O vento deixou ata o mediodía deste martes refachos de intensidade máxima de 142 quilómetros por hora e superou os 100 km/h en puntos do litoral coruñés e lucense.
Segundo os rexistros de Meteogalicia ata as 12.15 horas deste martes, en zonas de altitude superior a 900 metros o vento deixou refachos de 142,4 km/h en Muras ás 10.00 horas e de 96,8 km/h ás 11.30 horas en Baleira, tamén na provincia de Lugo.
En zonas de montaña o vento alcanzou os 95,5 km/h ás 11.30 horas en Carballeda de Valdeorras (Ourense) e os 90,3 quilómetros por hora en Manzaneda, na mesma provincia.
Pola súa banda, o vento superou os 100 km/h no litoral coruñés e lucense con refachos de 116,7 quilómetros por hora en Cedeira e 111 km/h en Viveiro, respectivamente, ata o mediodía. E en Vimianzo alcanzou os 102,9 km/h ás 10,00 horas.
Pola súa banda, rexistráronse refachos de 96 quilómetros por hora ás 12.10 horas na Pontenova e de 93,3 km/h ás 8.40 horas en Malpica de Bergantiños (A Coruña).
