Dúas persoas resultaron feridas nun accidente rexistrado no termo municipal de Redondela no que se viron involucrados un coche, unha furgoneta e un camión.
O sinistro, segundo informa o CIAE 112 Galicia, tivo lugar minutos logo das 13,30 horas deste martes no punto quilométrico 143 da estrada N-550 ao seu paso por Redondela.
A colisión entre os tres vehículos (un turismo, unha furgoneta e un camión) saldouse con dúas persoas feridas, que foron atendidas e posteriormente trasladadas a un hospital polos efectivos de Urxencias Sanitarias 061.