A protectora de animais Os Palleiros fíxose eco o pasado martes dun caso de envelenamento a un can na Rúa Ezequiel Massoni de Marín. A afectada foi a encargada de dar a voz de alarma, que se estendeu rapidamente a través das redes sociais.
Os Palleiros pediu, a través da súa páxina de Facebook, prudencia a todos os donos de cans que paseen pola zona co obxectivo de evitar que este suceso volva ocorrer.
Ademais, usuarios de redes sociais difundiron fotografías nas que ven fotos de paquetes de salchichas e outros comestibles abandonados nos paseos de Baltar, en Portonovo, e Silgar, no municipio de Sanxenxo. Alertan de que posiblemente estean envelenados, dados os casos rexistrados nas últimas semanas que lles custou a vida a varios canes.
