As empresas operador no servizo marítimo que une a península do Morrazo e Vigo apostaron por dar continuidade ao servizo regular desta liña de transporte durante o período de aplicación das medidas restritivas que durarán un mes. Polo momento, de luns a sábado o servizo prestarase con normalidade e tan só se reducirán frecuencias durante domingos e festivos.
Así, o domingo, os usuarios contarán con saídas desde o porto de Cangas ás, 11, 14, 17 e 21 horas e desde Vigo ás 8.30, 11.30, 14.30, 17.30 e 21.30 horas, a condición de que as condicións meteorolóxicas o permitan.
As empresas operadoras deste servizo sinalaron onte que a liña regular do transporte marítimo Cangas - Vigo "sufriu considerablemente os efectos da pandemia". Así, o número de usuarios descendeu máis dun 40% durante as dúas últimas semanas de outubro. Mención aparte merece o fin de semana. "En concreto, o pasado, con motivo do confinamento perimetral de Vigo, a diminución chegou a ser do 80% ambos os días", manifestaron.