A Garda Civil detivo na madrugada deste domingo en Ponteareas un condutor que levaba no seu coche unha moza contra a súa vontade, segundo informaron a Efe fontes do instituto armado. Nun principio, a muller accedeu a subirse ao vehículo tras pedirlle ao home que lle deixase o móbil para chamar á súa casa.
O condutor, ao que tamén se lle imputa un delito de alcoholemia, emprendeu a marcha e nun momento dado a moza díxolle que quería baixarse do vehículo. Ao ver que o detido non lle facía caso, decidiu telefonar á Policía Nacional, que deu o aviso á súa vez á Garda Civil.
O coche foi interceptado na estrada N-120 en Ponteareas e o condutor, que deu positivo en alcol, arrestado por un delito de detención ilegal.
