Tras a reunión da xunta provincial de seguridade, na que se analizaron os datos de criminalidade do pasado ano, Larriba explicou que as estafas bancarias creceron un 145% con respecto de 2019 e as estafas con cartóns de crédito, un 126%.
As estatísticas tamén reflicten un incremento do 11% nos delitos contra a liberdade sexual e dun 8% nos delitos de malos tratos na provincia de Pontevedra.
"As restricións de mobilidade xeraron máis violencia de xénero e malos tratos e incrementaron de xeito moi considerable as estafas na rede ao haber maiores compras", sinalou a responsable gobernamental.
No lado oposto aparecen infraccións que, segundo a subdelegada, "fan que a cidadanía teña unha verdadeira percepción de seguridade", como os roubos en vivendas, os furtos, que baixaron un 30%; ou os delitos graves, que se reduciron en máis dun 15%.
As actas por consumo de strong <>drogas, pola súa banda, reducíronse en case dez puntos.
No territorio controlado pola Policía Nacional, as cidades de Vigo, Pontevedra, Marín, Vilagarcía e Redondela, as infraccións penais han descendido un 10,35% no último ano, mentres que no resto da provincia, xurisdición da Garda Civil, creceron un 2,85%.
Maica Larriba destacou ademais que a taxa de esclarecemento dos delitos subiu ata o 42,96%, unha cifra "moi por encima" da rexistrada en Galicia e no resto de España.