Unha persoa resultou ferida na madrugada do martes nunha colisión na que se viron implicados dous coches en A Cañiza.
Segundo se lle indicou ao 112 Galicia, a vítima foi excarcerada polos servizos de urxencia ao quedar atrapada no interior dun dos vehículos implicados no sinistro.
O accidente produciuse na EP-5003, concretamente no punto quilométrico 3,200, ao fío das 7.00 horas.
Foi o persoal de Urxencias Sanitarias de Galicia-061 o que alertou ao 112 Galicia e, enseguida, os xestores do CIAE 112 Galicia pasaron o aviso aos Bombeiros e GES de Ponteareas, aos Bombeiros de Vigo, á Garda Civil de Tráfico e á Policía Local. Ademais, interviñeron tamén os efectivos do GES de Ribadavia.
